‘n 71-jarige man en ‘n 32-jarige vrou is gister in hegtenis geneem op ‘n plaas buite Nelspruit met ‘n daggaplantasie, verwerkte dagga-ekstrak, vuurwapens en ammunisie.
Volgens die Mpumalanga Valke is twee gewere, twee handwapens en ‘n groot hoeveelheid ammunisie tydens die multidissiplinêre operasie in beslag geneem.
Die Valke sê voorlopige inligting dui daarop dat die vuurwapenlisensies verval het.
Die verdagtes staan tereg op aanklagte ingevolge die Wet op die Beheer van Vuurwapens en die Wet op Dwelmmiddels en Dwelmsmokkelary.
Hulle sal na verwagting vandag in die Nelspruit-distrikshof verskyn.
