Vrou in been geskiet tydens huisroof by Hilltop
Written by Mireille on January 14, 2025
Die polisie ondersoek ‘n huisroof nadat ‘n vrou gisteraand tydens ‘n gewapende roof by haar huis op Hilltop in die been geskiet en gewond is.
Volgens ‘n polisiewoordvoerder, luit. kol. Jabu Ndubane, was haar man buite toe twee onbekende verdagtes hom genader en hom met ‘n vuurwapen gedreig het.
Hulle het hom opdrag gegee om in te gaan waar sy vrou was.
Hulle het die huis deursoek en selfone geneem.
Een van die verdagtes het haar in die been geskiet en hulle het van die toneel af gevlug.
Sy is na die hospitaal geneem vir behandeling.
Geen arrestasies is gemaak nie.
Enigiemand met inligting is gevra om speurder luit. kol. Henry Vilakazi by 082-448-1733 te kontak.
Continue reading
