Minister ontken seksuele aanranding klagte in Skukuza

Die minister van finansies, Enoch Godongwana, het bevestig dat ‘n saak van beweerde seksuele aanranding in Skukuza teen hom aanhangig gemaak is.
Godongwana het ‘n week gelede ‘n private besoek aan die Krugerwildtuin gebring en op Vrouedag ‘n massering ontvang van ‘n werknemer van Skukuza, wat masseerdienste aan gaste in hul kamers bied.
In ‘n verklaring wat Saterdag uitgereik is ontken hy haar bewerings ten sterkste, en sê hy was ten tyde van die beweerde voorval saam met sy vrou, Thandiwe, in die kamer.
Sy woordvoerder, Mfuneko Toyana, sê Godongwana het nog geen formele klagte van die polisie oor die aangeleentheid ontvang nie.