Vyf verdagtes sal na verwagting vandag in die Sabie-landdroshof verskyn na hulle gister gearresteer is met 23 sakke goudhoudende materiaal in hul besit.
Volgens die polisie is hul enkelkajuitbakkie tussen Nelspruit en Sabie van die pad afgetrek en deursoek.
Die polisie vermoed dat die materiaal vanaf Ngodwana vervoer is na Sabie, waar dit geprosesseer sou word.
Drie Zimbabwiese burgers sonder permitte tel onder die aangekeerdes.
