Verdagtes aangekeer wat glo straatverkopers beroof

‘n Vigilante-groep verskyn vandag in die Nelspruit-landdroshof nadat hulle gister glo straatverkopers in die sakekern beroof het.

Nege verdagtes is aangekeer.

Twee is tydens hul arrestasie beseer en is onder polisiebewaking in die hospitaal.

Volgens die polisie het hulle gisteroggend in Short Brown-straat die verkopers se permitte geëis en hulle toe van persoonlike items beroof.

Hulle het met die polisie se aankoms op die vlug geslaan, maar hul wegkom-voertuig is voorgekeer en van die items is teruggevind.

Sien ook: Twee arrestasies gemaak na vrou se moord tydens plaasaanval in Lydenburg