Twee agter tralies in Barberton weens springstof, kontant in BMW
Written by Mireille on January 7, 2025
Twee verdagtes verskyn vandag in die Barberton-landdroshof weens die beweerde besit van springstof.
Beide is buitelandse burgers wat Sondag as deel van Operasie Vala Umgodi vasgetrek is toe hul BMW 1-reeks tydens ‘n operasie op die R38 naby Consort-myn gestop en deursoek is deur polisiebeamptes.
Hulle was glo ook in besit van onder meer R10 000 in kontant.
Een van die beskuldigdes is tans uit op borgtog vir ‘n ander saak waar hy aangekla word weens die besit van ‘n vuurwapen sonder ‘n lisensie.
Hy moet op 30 Januarie weer daarvoor in die hof verskyn.
