Sekuriteitswagte op Numbi-pad geskiet
Written by Mireille on December 23, 2022
Twee sekuriteitswagte is gister geskiet en van hul vuurwapens beroof terwyl hulle die Numbi-pad gepatrolleer het.
Gewapende patrollies op die pad ingestel na verskeie geweldadige aanvalle op besoekers aan die Krugerwildtuin.
Volgens die polisie het twee gewapende mans verskyn en op die wagte geskiet.
Hulle is ernstig beseer en per ambulans hospitaal toe geneem.
Die aanvallers het te voet gevlug.
Brig. Selvy Mohlala sê ‘n 72-uur aksieplan is geaktiveer.
Geen arrestasies is nog gemaak nie.
