Operasie Vala Umgodi werp nog vrugte af
Written by Mireille on April 12, 2024
Die polisie in Mpumalanga het die afgelope twee weke verskeie deurbrake gemaak teen onwettige mynbou met toerusting wat gekonfiskeer is, en arrestasies wat gemaak is.
Daar is op toerusting in Sabie, Pelgrimsrus, Schoemanskloof en Barberton beslag gelê as deel van Operasie Vala Umgodi.
Die polisiewoordvoerder, kol. Donald Mdhluli, sê in die jongste voorval is 11 verdagtes gister in hegtenis geneem vir beweerde onwettige mynbedrywighede op ‘n plaas buite Barberton.
Onder hulle tel agt Zimbabwiese burgers en ‘n beampte van Korrektiewe Dienste.
Hulle sal na verwagting vandag in die Barberton-landdroshof verskyn.
Verskeie stukke toerusting is Woensdag ook verwoes.
Luister hier:
Audio PlayerSien ook: Mandla Msibi uit ANC geskors
