Liggaam van vermiste wildsboer ontdek na vliegongeluk
Written by Mireille on October 18, 2024
Die wildsboer van Limpopo wat Dinsdag vermis geraak het, se liggaam is gistermiddag ontdek.
Die 50-jarige Gerhard Minnaar van Sheldrake-wildsplaas in Musina, het Dinsdagoggend met sy girokopter by die Ou Nelspruit-lughawe opgestyg.
Hy is die laaste opgemerk deur arbeiders in die omgewing van Louis Trichardt, om ongeveer 09:30 dieselfde oggend.
Toestande was glo baie winderig en mistig.
Die Lugvaartreddingskoördineringsentrum het gister amptelik begin saam soek met die polisie se lugvleuel, SARZA en plaaslike vlieëniers.
Die neergestorte vliegtuig is gistermiddag in die Louis Trichardt-omgewing ontdek.
Minnaar is noodlottig beseer.
Die polisie en Burgerlugvaartowerheid ondersoek die voorval verder.
Musina-wildsboer vermis na hy uit Nelspruit vertrek – 17 Oktober
Gerhard Minnaar (50) van Sheldrake-wildsplaas in Musina het Dinsdagoggend vermis geraak met sy girokopter.
Volgens sy suster, Estelle Clements, het hy om ongeveer 08:30 vanaf die Ou Nelspruit-lughawe opgestyg op pad Musina toe.
Hy is die laaste opgemerk deur arbeiders in die omgewing van Louis Trichardt, om ongeveer 09:30.
“Die wind het baie gewaai en hulle het gesê hy het ‘n paar keer omgedraai en teruggedraai, maar toe het hulle hom nie weer gesien nie, deels weens digte mis.”
Sedertien kry niemand hom in die hande nie.
Polisie en private helikopters het gistermiddag na hom begin soek, en die soektog vanoggend hervat, sê sy.
Sy voeg by hy vlieg al báie lank. “Ons dink dit is net te wyte aan die slegte weer.”
Sien ook: Rondawels brand af in Krugerwildtuin
Continue reading
