Mpumalanga haal CNN Travel se lys van plekke om te besoek
Written by Mireille on January 8, 2025
Mpumalanga het CNN Travel se lys van 25 bestemmings om vanjaar te besoek, gehaal.
Die Blyderivier-canyon, die derde grootste ter wêreld, word as ʼn hoogtepunt aanbeveel, veral omdat dit in ‘n groen kombersie geklee is (anders as die groter twee: Die Grand Canyon en Visrivier).
Hulle noem ook God’s Window as deel van die Panorama-roete en die nabyheid van die Krugerwildtuin.
Verder groepeer die uitsaaier die provinsie saam met Eswatini, wat saam met Mosambiek die “Triland”-toerisme inisiatief uitmaak.
Eswatini se Sibebe-rots, die wêreld se grootste ontblote graniet-plutoon, word beskryf as ʼn uitdagende, maar bevredigende, uitstappie.
Ander plekke in Afrika wat die lys gehaal het, is Sierra Leone en Rabat in Marokko.
Sien ook: SA gevra om in te gryp by politieke onlus in Mosambiek – Radio Laeveld
Continue reading
