Tradisionele geneser verdrink tydens ritueel by Krokodil-rivier
Written by Mireille on April 14, 2025
Die liggaam van ‘n tradisionele geneser is gister deur polisieduikers uit die Krokodilrivier gehaal.
Die polisie is Donderdag in kennis gestel van ‘n moontlike verdrinking.
Twee mans, ‘n “profeet” en ‘n tradisionele geneser het langs M.R.T.T. in die KaNyamazane-area ‘n ritueel uitgevoer.
Die duikeenheid het tot Sondagmiddag na hom gesoek.
Die waarnemende polisiekommissaris in Mpumalanga, generaal-majoor Zeph Mkhwanazi, het ‘n beroep op die gemeenskap gedoen om ekstra versigtig te wees tydens die uitvoering van rituele of doopaktiwiteite, veral hierdie Paasfees.
