Vermeende mensehandelaars laat vaar borgaansoek in Nelspruit-hof
Written by Mireille on April 19, 2023
Twee vermeende mensehandelaars het hul borgaansoeke in die Nelspruit-landdroshof laat vaar.
Volgens die Valke het Mujahid Hussain en Ihsan Ullar gister verskyn.
Hulle staan tereg op aanklagte van oortreding van die Wet op Voorkoming en Bestryding van Handel in Persone.
Die Valke woordvoerder, kapt. Dineo Sekgotodi, sê hul regsverteenwoordiger het die hof ook ingelig dat beide beskuldigdes van voorneme is om skuldig te pleit.
Hulle verskyn weer op 23 Mei in die streekshof.
Continue reading
