SANRAL begin met padwerke in Mpumalanga

Herstel- en opknappingsprojekte het begin op sommige van die groot paaie in Mpumalanga wat onlangs na SANRAL oorhandig is vir opgradering en instandhoudingswerk.

Dit sluit die R40 van Hazyview na Witrivier na Nelspruit in, die brug wat op die R570 verbreed word, die R570 na Tonga, die R37 tussen Lydenburg en Sabie en die R40-opgradering na ‘n dubbelbaan van Hazyview na Arthur’s Seat.

Die meeste van hierdie projekte is geoormerk vir voltooiing in 2026.

SANRAL het ook aangekondig dat bouwerk aan ander groot paaie op 1 April 2027 sal begin met voltooiing op 31 Maart 2030.

Dit sluit in die Lughawepad vanaf die N4 na die R538, die R571 vanaf die N4-kruising na Dreyerstraat, die R38 vanaf Barberton tot Kaapmuiden en die R38 tot by die Bulembu-grenspos.