Tiener na bewering deur onderwyser by skool in Nelspruit verkrag

Die polisie in Mpumalanga bevestig hulle ondersoek steeds die saak van ‘n 15-jarige skoolkind wat na bewering deur ‘n onderwyser by haar skool in Nelspruit verkrag is. Die voorval, op 7 November, is dieselfde dag aangemeld en is deur die eenheid vir gesinsgeweld, kinderbeskerming en seksuele misdrywe ondersoek. Die 24-jarige verdagte is ‘n week later gearresteer, maar die saak is nie op die hofrol geplaas nie met aanklaers wat verdere ondersoek verlang het. Die polisiewoordvoerder, Brigadier Donald Mdhluli, sê die saak is tans by die Direkteur van Openbare Vervolgings vir ‘n besluit.