N4 ongeluk eis sewe lewens
Written by Mireille on January 1, 2025
Sewe mense, insluitend ‘n kleuter van ongeveer twee jaar oud, is gistermiddag dood in ‘n botsing op die N4-tolpad tussen Belfast en Wonderfontein.
Volgens die woordvoerder van die departement van Gemeenskapsveiligheid in Mpumalanga, Moeti Mmusi, het een van die sedans na vermoede beheer verloor en trompop teen ‘n ander, aankomende voertuig gebots. Die oorledenes sluit beide bestuurders in. Een oorlewende is ernstig beseer.
Die oorsaak van die ongeluk word ondersoek, maar Mmusi sê motoriste moet ook hul deel doen om padveiligheid te verbeter.
Luister:
Die LUR, Jackie Macie, het ook by motoriste gepleit om die padreëls te gehoorsaam. Hy het sy meegevoel met die oorledenes se families betuig.
Sien ook: Soektog na pa van Lydenburg by Tubatsedam vermoor word – Radio Laeveld
Continue reading
