Die liggaam van ‘n vrou wat gisteraand vermis geraak het, is in Msholozi naby Witrivier gevind.
Die polisie sê sterk strome het Esther Amina Mathenjwa (44) meegesleur toe sy tydens swaar reën ‘n vol rivier wou oorsteek.
Haar liggaam is sowat 5 km stroomaf gevind ná ‘n gesamentlike soektog deur die polisie en gemeenskapslede.
Owerhede het inwoners versoek om nie riviere wat oorstroom oor te steek te midde van aanhoudende reën nie, met ‘n rooi vlak 10-weerwaarskuwing wat uitgereik is vir nog ontwrigtende reën.
