Die Mpumalanga Hooggeregshof in Mbombela het die borgtogappèl van ‘n 39-jarige man wat daarvan beskuldig word dat hy sy vrou met voorbedagte rade vermoor het, van die hand gewys.
Dr. Nondumiso Sibanyoni is in November 2024 in ‘n parkeerterrein voor ‘n gimnasium in Riverside, Mbombela, noodlottig geskiet.
Haar man, Sifiso Sibanyoni, se aanvanklike borgtogaansoek is in Augustus deur die Nelspruit-landdroshof van die hand gewys. Hy het appèl aangeteken.
Volgens die Nasionale Vervolgingsgesag het die hooggeregshof beslis dat die landdros korrek bepaal het dat Sibanyoni nie daarin geslaag het om buitengewone omstandighede te bewys wat sy vrylating regverdig nie.
Hy staan tereg op aanklagte van sameswering om moord te pleeg.
