37 vasgetrek tydens Operasie Vala Umgodi in Schoemanskloof

‘n Totaal van 37 verdagtes is gister tydens ‘n ontwrigtende operasie in die Mashoboto informele nedersetting in Schoemanskloof buite Mbombela gearresteer.

Dit was in samewerking met die weermag as deel van die polisie se Operasie Vala Umgodi.

Onder hulle is 33 ongedokumenteerde buitelandse burgers.

Buiten oortreding van die Wet op Immigrasie sluit ander aanklagte in, die besit van gouddraende materiaal en die besit van ammunisie.

Daar is op 15 kragopwekkers en ander toerusting wat vir onwettige mynbou gebruik word, beslag gelê. Hulle sal vandag in die Nelspruit-landdroshof verskyn.