Weerdiens waarsku oor swaar reën, donderstorms

Die Suid-Afrikaanse Weerdiens (SAWD) het verskeie waarskuwings vir verskeie provinsies uitgereik. Dele van die land kan ontwrigtende weerstoestande die naweek verwag.

Dit sluit in ‘n geel vlak 2-waarskuwing vir erge donderstorms in Mpumalanga, KwaZulu-Natal en Limpopo. Inwoners van Gauteng, Noordwes en Limpopo kan ook gereed maak vir swaar reën, met moontlike oorstromings.

‘n Hittegolf kan oor dele van die Oos-Kaap voorkom, waar temperature op plekke tot bo 37°C kan styg. Verspreide buie word die naweek oor die oostelike en sentrale gebiede, en die suidkus van die Wes-Kaap voorspel.

Sien ook: N4 ongeluk eis sewe lewens