Polisie deel Vala Umgodi suksesse
Written by Mireille on March 17, 2025
Operasie Vala Umgodi het die naweek positiewe resultate in die Laeveld opgelewer.
Gister is ‘n 49-jarige man by Tonga naby Komatipoort deur lede in hegtenis geneem nadat hy met sowat R1,2 miljoen in sy besit gevind is.
Die polisie het ‘n wenk oor ‘n ongelisensieerde vuurwapen ontvang en toe die huis deursoek is, is die kontant en Mosambiekse geld ontdek.
Hy het na bewering ook polisiebeamptes probeer omkoop.
Hy staan tereg op verskeie aanklagte, insluitend geldwassery, die omkoop van ‘n polisiebeampte, oortreding van die Wet op die Voorkoming van Georganiseerde Misdaad en oortreding van die Wet op Belastingadministrasie.
Hy sal na verwagting binnekort in die Nkomazi-landdroshof in Tonga verskyn.
Die polisie het Vrydag ook 36 verdagtes in hegtenis geneem tydens ‘n ontwrigtende operasie by Brondal.
Altesaam 34 is buitelandse burgers sonder geldige dokumentasie om in die land te wees.
Ander aanklagte teen sommige van hulle sluit in bedrog, die besit van onwettige drank en die besit van dagga ter waarde van na raming R5 000.
Daar is op onder meer nege vervalste SA ID’s en paspoorte beslag gelê.
Hulle sal na verwagting vandag in die Nelspruit-landdroshof verskyn.
Sien ook: Man gearresteer weens tiener se moord in KaNyamazane
Continue reading
